ازبکستان: د افغانستان د سولې لپاره سیمه‌ییزه اجماع په پراخېدو ده

د ازبکستان د بهرنیو چارو وزیر وایي، د افغانستان د سولې لپاره سیمه‌ییزه اجماع د پراخېدو په حال کې ده.

عبدالعزیز کاملوف د شنبې په ورځ په سمرقند کې د افغانستان د بهرنیو چارو له وزیر صلاح الدین رباني سره د لیدو پر مهال دا خبره وکړه.

د افغانستان د بهرنیو چارو وزارت په یوې اعلامیې کې ویلي چې ښاغلي کاملوف ټینګار وکړ چې هېواد یې د افغانستان د سولې او ثبات لپاره د سیمې او نړۍ د هڅو ملاتړ کوي.

صلاح الدین رباني د هند او د منځنۍ آسیا هېوادونو د بهرنیو چارو وزیرانو په غونډه کې د ګډون په هدف ازبکستان ته تللی دی.


پرنت   ايميل