وروستي خبرونه:

د ملکي هوايي چلند ادارې د بېړنیو پېښو د وړاندوینې یو سېستم پرانيست

د افغانستان د ملکي هوايي چلند ادارې د یکشنبې به ورځ له بېړنیو پېښو د مخکنۍ خبرتیا سېستم او د هایدرو میترولوژي چارو د پیاوړتیا د تګ لارې په نوم سېستم پرانيست.

ملګري ملتونه: د ځمکې د اوزون طبقه د تدریجي رغېدو په حال کې ده

ملګري ملتونه په یوه نوې څېړنه کې وايي، د ځمکې د اوزون طبقه یا پوړۍ چې مضرو کېمیاوي ګازونو د کلونو په ترڅ کې زیانمنه کړې، په تدریجي ډول د رغېدو په حال کې ده.

په فرانسه کې سېلابونو ۱۰ کسان وژلي او ۸ یې ټپیان کړي

د فرانسې چارواکي وایي چې د دې هېواد په جنوب لوېدیځ د اود په سیمه کې د سېلابونو له امله لږ تر لږه ۱۰ کسانو خپل ژوند له لاسه ورکړی او اته نور سخت ټپیان شوي دي.

اندونېزیا زلزله کې د وژل شویو شمېر ۱۲۰۰ کسانو ته رسېدلی

اندونېزیا کې چارواکو ویلي، د جمعې ورځې په زلزلې او سمندري توپان کې د وژل شویو کسانو شمېر ۱۲۰۰ ته رسېدلی دی. له دې مخکې د بېړنیزو مرستو ادارې ویلي و، دغه پېښه کې ۸۴۴ کسان وژل شوي دی.